Über en SwissID chan mer sich zb. a gwüssne Onlineportal und Service wie zb. SwissPass (Billet für Zug oder Skipass bstelle) ilogge. De Betriiber chan denn au zb. dis Alter verifiziere, falls es das bruucht. Funktioniert eigentlich ähnlich wie Google, Microsoft oder Facebook Login. Chasch de Zuegriff tatsächlich au mit 2FA sichere.

Das Logo isch sicher gsetzeskonform. S’Gsetz zwingt eus ned uf, es ufrechts wisses Chrüüz mit Ärm 1/6 länger wie breit uf eme quadratische rote Feld z’ha. Vom Design her erinneret die zahlriiche Schwänzli und Tüpfli a s’dezentrale, föderale System vom Födiversum. Ganz im Zentrum stoht d’Verbindig zu de einzelne ganz bsundrige, individuelle und bünzlige Tüpfli. Holistisch betrachtet glingt de Spagat d’Verbundeheit, eusi chliikarierti Denkwiis, en weltoffnigi Aschauig, die religiösi Symbolik vom as Chrüüz gnaglete Jesus Christus und de SBB i eim einzige abstrakte Symbol chönne z’vereine. Im Schwiizerchrüüz isch es au sehr wichtig wie breit eifach alles muess sii und darum find ich dörf mer das nonkonforme Logo für feddit.ch zueloh und zelebriere und ned defür verurteile z’breiti Ärm z’ha. Und sust sell doch öpper Iisproch ilegge. Ich denk mer dörf d’Azeig also wieder zruggzieh.

Und do no für alli Bünzli de Gsetzesabschnitt: Schweizerkreuz fedlex.admin.ch